شمسٌ وحَنِين ..!

شمسكم ماهي جميلة
فيها حنين
لايام راحت وانتهت
غيرك كبر
غيرك نسى
غيرك راح ومابقى
غير الحنين ف شمسكم

تدرين
في رياضكم فيّ
كانت جمال
كانت حنان
كانت حلم بالنسبة إلي
ايامنا حبّ
وساعاتنا نقضيها لبعض

اييييه يا أول
حبّ البراءة مانسيت
ظنّيت ابنسى ومانسيت

وقبل سنة
مثل هاليوم وهالشهر
ظنّيت اني بنتهي
واعترفت بحبي لها
ولخالها قلت
قال العذر
قدامك اثنين عيال اعمامها
برضاهم الاثنين يتحقق لك حلم
وإن قالوا لك لا
فلك العذر ومنا العذر

واشوفها دايم تجي
ولجنب بيتنا تنتظر
بتزورني
بتشوفني
ولابوها تحكي عني
وينه محمد مختفي
مايسأل علينا ولا يجي
حنا قرايب
حنا أهل
بس القلوب ماتدري بكذا
ماتعرف قرب الديار ولا بعدها

ايييييه ابعترف
ابعترف اني لها
عاشق حزين
حبّ ببراءة ومانسى
ومانسى حبٍّ لها
خلّاه ينسى مالقى
مالقى من سعادة من غيرها
مالقى من اهتمام ومن حنان
وقلوبٍ مقصّر في حقّهَا

ايييييه
حبّ البراءة شيٍّ كبير
قالوا بتكبر وتنسى
ومانسيت
ومانست ومانسى
حبّ البراءة

عاشق حزين ..!
.